S'tribouler

Foaire quoé eq tu pux pour arriver à foaire...

Cartchuler

Pour cartchuler, i feut des chiffes et des nombes.

Ches chiffes : zéro, un, deus, troés, quat, chonc, sis, sèt, uit et nu.

Quèks nombes : dis, onze, douse, trèse, quatore, tchinze, sèse, dis-sèt, dis-uit, dis-nu, vint, trinte, quarante, chincante, soéçante, soéçante-dis, quater-vint, quater-vint-dis, chint, mile, millon, millar.

Deus et troés font chonc.
Deus pèr troés font sis.


Quanq tu cours avuc d'eutes, chti qui gaingne est ch'premier. Aprè, i o ech deusienme, pi ch'troésienme....


Chi tu keupes unne punme in quat, t'os quat quèrt ed punme.
Chi tu l'avoais keupée in chonc, t'éroais ieu chonc chonquienme ed punme.

Lipes (ches)

Dvant l'bouke, is sont rouves, o inter ches gambes ed ches fanmes.

Réüs (se), maflé(e)

Quanq os pouvons pu rin foaire, vu qu'os sonmmes fin ercrand et qu'os avons surtoute invie ed dormir.

Accion (un)

Désir ed norriture, plaisi qu'os avons à minger.

Mouvemint qui porte à rtruchoer quoé qui put satisfoaire un dzoin ordjanique, un instinct.

Glout (un)

Unne gin qui ainme minger ches boinnés coses.

o

Unne gin qui minge granmint.

Incorser

Foaire passer din chin gasio.

Gasio (un)

Inter l'bouke et l'panche.

Drogue (unne)

Cose pour soégner que ches séruzyins t'diche ed prinde o mette pour djérir.

Uis (unne)

Cose pour frunmer unne moaison,

un meube,

unne étabe,

O unne église, pèr eximpe.

Buser

Tracher avuc s'chervèle.

"Ete o n'mie ête ?" foait buser,
"Jou eq Diu existe ?" foait buser,
"jou qu'ej su ureus ? foait buser.

Asir

Foaire avuc du fu.

Eximpe : ech bo asit

Car (un)

Véhitchule pour brouter des coses.

Tète

Unne tète : pèrtie dech corps ò os avons nos ius, nos éreilles, not bouke, nos cavieus.

o

Ches tètes : poétrinnes ed ches fanmes.

A gron

Chu ches génous.

Boaiyète (unne)

Vetemint pour ches filles o ches fanmes.

Linchu (un)

Cose in tissus o in coton qui s'met din un lit, avuc, in ivèr, unne o deus couvertes.

Conjudjer - ièr o avant

Avoèr :
J'avoais
T'avoais
Il o ale avoait                                                          froéd
Os avoème
os avoèteez
Is avoai'te


Ête :
J'étoais
T'étoais
Il o ale étoait                                                             à Anmyin
Os étoème
os êtoète
Is étoai'te



Butcher :
Ej butchoais
Tu butchoais
Il o ale butchoait                                                          un cadoreus
Os butchoème
os butchoète
Is butchoai'te



Foaire:
Ej foaisoais
Tu foaisoais
Il o ale foaisoait                                                             rin ed mau
Os foaisoème
os foaisoète
Is foaisoai'te

Wassingue (unne)

Cose utilisée pour nettier pèr tère, din ches moaisons o ches interprinzes.

Joutcher (s') / Déjoutcher (s')

 S'mette din  / S'sortir ed



Au vèpe, ej me joutche din min lit.

Au matin , ej me déjoutche ed min lit.

Conjudjer - achteure

Avoèr :
J'o
T'os
Il o ale o                                                              del canche
Os avons
Os avez
Is ont


Ête :
Ej su
T'es
Il o ale est                                                            in route à ouvrer
Os sonmes
Os êtes
Is sont



Butcher :
Ej buque
Tu buques
Il o ale buque                                                       un voésin
Os butchons
Os butchez
Is buque'te



Dire :
Ej dis
Tu dis
Il o ale dit                                                             qu'i foait keud
Os disons
Os disez
Is di'te

Achteure / ièr / dman

Achteure, j'écris et il est deus eures au matin.

Innui, os sonmes ech vint-et-un juillet.

Ièr, os étoème ech vint juillet et ch'étoait ches ages ed min nveu.

Avant-ièr, ech vint juillet, j'o acaté unne vake.

Dman, ech vint-deus juillet, j'iro glaner eds aricotes.

Aprè-dman, ej mingero ches aricotes.

Moédeu (el)

Foait ed keuper ches blés o ches soèles, pèr eximpe.

 In Picardie, el moédeu étoait, i o quèkes innées, alintour dech moés d'eu. D'o chin nom, i m'sanne.

Achteure, ho kminche in juillet.

Mi, ti et ches eutes

Avuc un verbe :
Ej               cante
Tu              rbées
Il o ale        dort
Nos            pouvons
Vos             trachez
Is o ales      minge'te


In causant d'unne cose, unne gin o un animal qu'os connaissons:
Min             tchyin                     o                 Emn            onme
Tin              toèr                        o                  Ete              fille
Sin o chin     cot                        o                  Es              bèle-mère
No              moaison
Vo               voéture
Leu              fiu


Mi               , ej pèrs
Ti                , tu bailles
Li o ale        , i o ale minge
Nos             , nos ouvrons
Vos              , vos braillez
Eux             , is o ales  keupe'te


In causant d'au moinns deus coses, deus gins o deus animaux qu'os connaissons:
Mes             tchyins                    o                 Ems            éfants
Tes              vakes                 
Ses              glinnes
Nos             catieus
Vos               voétures
Leus             fius



In causant d'unne cose, unne gin o un animal :
El                 bouke,
Ches            gambes
o
Echs            éreilles,
Ech              wassingue
o
Echl             éfant.

Afuler / Echl'afulure

Mette bin ches cavieus chu ch'tète pour ête bieu o bèle.

Pour faoire ho, i feut un détouilloèr pour ches onmes, et souvint, unne bruche pour ches fanmes.

Ches gins qui font ho pour ouvrer sont des afulures.
Un afulure afule, mais surtoute, keupe ches cavieus.

Granmint / un molet

Des millars ed gins o d'euros o ed tchilos, ch'est granmint ed gins, o d'euros o ed tchilos.
Toudi gaingné à ches jus, ch'est avoèr granmint ed canche.

Unne innée-leumière, ch'est granmint ed kilomètes. Minme chi i o qu'unne innée-leumière !


Un molet ed quèke cose, ch'est vraimint mie granmint ed quèke cose.
Eximpe : avoèr unne canche chu troés-chint-milles ed gaingner, ch'est avoèr un molet ed canche.

Tu pux étou avoèr un molet ed mau à t'tète : t'arrives à ouvrer, mais ete tète t'foait mau. Quanq ete tète t'foait granmint ed mau, tu pux, des keups, mie arriver à ouvrer.

Randonner

Taper granmint chu ed castroles,
Klaxonner granmint,
Utiliser unne tronchonneuse,
Brailler,
Passer in mnant un avion ed djerre ach vitesse ed mach un,
Acouter del musique in mettant fort ech volume.

Randonner, ch'est mie mèrcher, minme chi os pouvons mèrcher in randonnant.
Randonner berzille ches éreilles. Surtoute ed ches eutes.

Jornée (unne)

Ches momints d'unne jornée sont :

- à l'pitchète dech jour, quanq ech solé s'déjoutche et dvroait ête visibe,
- à nonne, quanq il est douse eures, eure ed minger,
- à l'brunne, o à ch'clore, quanq ech solé s'coutche o s'joutche.

Avant nonne, ch'est echl'ervant-nonne.
Aprè nonne, ch'est, aisié à dviner, echl'aprè-nonne. O echl'ermontée, o chl'aprè diner.

S'déjoutcher timpe au matin, ch'est déjoutcher bin avant sèt eures.
Os s'joutchons au vèpe. In principe.

Et quanq os kminchons unne jornée, os disons bonjor.

Innée (unne)

Din unne innée, i o douse moés qui sont janvié, févrié, marche, avri, moai, join, juillet, ech moés d'eu, sectimbe, octobe, novimbe et déchimbe.

I o quat saisons qui sont l'ivèr, qui kminche in déchimbe, echl'ernouvieu qui kminche, li, in marche, echl'étè à pèrtir ed join, et echl'apréseu, à pèrtir ed sectimbe. Pi erviens l'ivèr.

Chincante-deus, ch'est ch'nombe ed smangnes.

Din unne smangne, i o sèt jours qui sont lindi, mardi, merkerdi, judi, verdi, sinmdi et diminche.

Din unne innée, t'os troés-chint-soéçante-chonc jours. Et troés-chint-soéçante-sis din unne innée bissète.

Vake (unne) / Toèr (un) / Vieu (un)

Unne boinne vake o un vieu pèr in.













Pour ho, i feut un toèr, qui sro ch'père dech vieu.


O un insiménateu.

Fiu (un) / Fille(unne)

Ech fiu ed min père et d'em mère, ch'est mi. O un ed mes frères.

Chi j'étoais mie un onme, ej sroais unne fanme. Don, fille ed min père et d'em mère. Ch'est unne évidinche.

Onke (un) / Tante (unne)

Ches frères d'em mère o d'min père sont mes onkes.

Ches soeurs ed min père o d'em mère sont mes tantes.

Mais echt'onme qu'est mèrrié avuc unne soeur ed min père o d'em mère est étou un onke.

Min cose pour unne fanme mèrriée avuc un frère d'em mère o d'min père.

Picard

Unne gin (onme, fanme o éfant) qui reste o qu'est née in Picardie.